Popular Bible Verses from Mga Darahonon 12

Share

Makakapaguol ha imo an pagkabaraka, kundi makakalipay ha imo an manamit nga mga pulong.

An bisan hin-o nga mahigugma hin hibaro naruruyag nga pagsagdonan hiya kon hiya makasala. Lurong an tawo nga napupungot kon ginsasagdonan hiya.

Sugad hin espada nakakasamad hin grabe an dinalidali nga mga pulong, kundi nakakatambal an mga pulong hin makinaadmananon.

Naghuhunahuna an mga lurong nga tawo nga matadong an ira ginbubuhat. Namamati hin sagdon an mga makinaadmananon.

Kon nauurit in usa nga lurong, iya iginpapahibaro ini dayon, kundi an pagtamay waray la bali para hin tawo nga maaram.

An maupay nga asawa amo an parayaw ngan kalipay han iya bana; kundi an asawa nga nagpapakaalo han iya bana sugad hin kanser ha iya mga tul-an.

Napupungtan han GINOO an mga buwaon, kundi nalilipayan adton mga nagtutuman han ira pulong.

Mag-uruna han iya sangkay an matadong nga tawo, kundi nakakapasimang ha ira an aragianan han mga magraot.

An buwa diri gud nag-iiha, kundi mabubuhi ha kadayonan an kamatuoran.