Popular Bible Verses from Mga Darahonon 13

Share

Pakig-upod-upod han mga makinaadmananon ngan magmamakinaadmananon ka. Kon makigsangkay ka hin mga lurong, maghihikaraot ka.

Hiroti an imo iginyayakan ngan mapapanalipdan an imo kinabuhi. An nagpapasagad la hin pagyinakan, nagsasamad la ha iya ngahaw.

Kon diri mo kastigohon an imo anak, diri ka nahigugma ha iya. Kon nahigugma ka ha iya, pagwawaydongan mo hiya.

Kon nakakawang an paglaom, nasasamad an kasingkasing, kundi nagmamalipayon ka kon natutuman an imo ungara.

Nananalipod han mga waray sala an pagkamatadong, kundi an pagkamaraogdaog amo an pagkapukan han mga makasasala.

Kon masayon an pakaangkon mo han imo manggad, madali man ini nimo mawara. Kon ginbalhasan mo an imo pagpatigayon, darudamo an imo maaangkon.

Kasamokan la an nahihimo han mapahitas-on. Mauruupay pa an pangaro hin sagdon.

An tawo nga maupay may manggad nga ibibilin han iya kaapohan, kundi an kanan makasasala manggad mahingangadto han mga magtadong.

Namamati an anak nga makinaadmananon han kanan iya amay pagwaydong, kundi diri gud natangdo nga sayop hiya an mapahitas-on.

An nadiri hin pag-aram, mapopobre ngan maaalohan, kundi an namamati hin waydong pagpapasidunggan.