Popular Bible Verses from Mga Darahonon 11

Share

Pagmahinatagon ngan magmamainuswagon ka. Buligi an iba ngan bubuligan ka.

May mga tawo nga nagpapatakas hin paggasto ngan nagtitikariko la gihapon. Tihik an iba hin paggasto, ngan nagtitikapobre la lugod.

Maaalohan dayon an mga tawo nga magpinahitas-on; labaw kamaaram an pagkamananong.

Napupukan in usa nga nasod kon waray ini magsaragdon. Aada an kalinaw kon damo an iya mga mag-upay nga magsaragdon.

Nahatag hin kinabuhi an pagkamatadong, kundi kinukuha ini han pagkamaraogdaog.

Diri nakakatago hin sekreto an malibak nga tawo, kundi an tawo nga kasasarigan matataporan mo hin sekreto.

Kon maloloy-on ka, kaupayan ini para ha imo, kundi kon maisog ka, ikaw la ngahaw in nagdadaot ha imo.

Mapupukan adton mga natapod han ira manggad sugad han nagkakataktak nga mga dahon, kundi magmamainuswagon an mga magtadong sugad hin lapyo nga mga dahon.

Diri makakabulig ha imo an mga manggad ha adlaw han imo kamatayon, kundi makakatalwas han imo kinabuhi an pagkamatadong.

Kon maupay ka, gintututdoan ka han pagkatangkod. An mga tawo nga diri kasasarigan napupukan pinaagi han kalugaringon nira nga pagkamalimbong.

An katahom hin babaye nga waray maupay nga paghukom sugad la hin singsing nga bulawan ha simod hin baboy.

Napupungtan han GINOO an mga tawo nga nagamit hin diri tuptop nga mga timbangan. Timbangan nga tuptop amo an iya nalilipayan.