Popular Bible Verses from Mga Darahonon 10

Share

Nakakapariko ha imo an bendisyon han GINOO, an imo kamakugi diri nakakadugang han imo karikohan.

Kon magpatakas ka hin pagyinakan, madagmit ka makasala. Kon makinaadmananon ka, mahilom ka la.

An pagdumot nag-aaghat hin kasamokan, kundi an gugma nagpapasaylo han ngatanan nga mga sayop.

Makakapobre ha imo an pagkahubya, kundi makakapariko ha imo an pagkamaduruto.

Mabubuhi an mga tawo nga namamati kon hira ginwawaydongan, kundi aada ha kataragman adton diri natangdo nga sayop hira.

Waray kataragman an tangkod nga mga tawo, kundi hidadakpan an mga maglimbong.

Tahora an GINOO ngan mahilawig an imo kinabuhi. Napatay dayon an mga magraot ha diri pa nira panahon.

Diri an GINOO matugot nga panggutomon an mag-upay nga mga tawo, ngan diri hiya matugot nga an mga magraot makaangkon han ira mga ungara.

Iginpapalid an mga magraot kon naabot an mga bagyo, kundi dayuday murayaw an kamutangan han tangkod nga mga tawo.