Popular Bible Verses from Probirbio 15

Share

Say mapalnan ebat pakekepaen toy pasnuk, balet say ansakit ya ebat palolooren to.

Say pangigalang ed KATAWAN et sakey a pakaaralan. Nepeg a mampaabeba ka kasakbayan a napagalangan ka.

Bilay so iiter na marakep iran salita, balet makaderal na kalakal iray maruksan salita.

Dengel kad amin a simbawa, et onaligwas ka, balet no ibeneg mo ra kasumpalan moy aliwa-liwa.

No maliket iray totoo onimis ira, balet no maermen ira ombilonget so lupa ra.

Sankanengneng na KATAWAN iray nagagawa ed inerman a pasen; bambantayan to itayo, maung man o maoges so gagawaen tayo.

Maung niy mairap-bilay a walay panamagalang ed KATAWAN, nen say mayaman a walad gunigon.

Say toon mapetang na olo igagapo toy sangsangan, balet say toon maanos mangiiter na kareenan.

Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.