Popular Bible Verses from ФилипӀвийриз 1

Share

Куь арада и хъсан кардик кьил кутур Аллагьди а кар Иса Месигь хкведай югъ алукьдалди эхирдал кьван ийидайдахъ зун агъунва.

Куь муьгьуьббат мад ва мад чӀехи хьун патал ва нетижада чирвилерив ацӀун патални фагьумдин жигьетдай дерин хьун патал за дуьа ийизва. Гьа чӀавуз куьн паталди вуч хъсан ятӀа куьне тайинарда, Месигь хкведай юкъуз куьн михьи ва рехне квачиз жеда

Вучиз лагьайтӀа, зун паталди уьмуьр – им Месигь я, ажални – хийир я.

Куьн рикӀел алаз ийизвай гьар са дуьада за датӀана куь виридан гьакъиндай зи Аллагьдиз шукурзава. За и дуьаяр шадвилелди ийизва

Вуч хьайитӀани, Иса Месигьдин Шад Хабардиз лайих яз уьмуьр твах. Зун атайла, куьн акуртӀани ва я зав квекай анжах ванер агакьайтӀани, заз чир жеда хьи, куьне ян гузвач ва куьне садвиле аваз уьмуьр тухузва, куьн къуьн къуьне туна Шад Хабардал бине кьунвай имандал кӀевиз акъвазнава

За вилив хуьзва ва кӀевелай умудзава хьи, зун са куьникайни жуваз регъуь жедай гьалдиз къведач. Амма, датӀана хьиз, гилани зун, Месигь зи беденда машгьур хьун патал, кӀевиз акъвазда ва викӀегь жеда. И кар зи уьмуьрдин ва я ажалдин куьмекдалди – гьикӀ хьайитӀани – заз сад я.

Квез Иса Месигь себеб яз ганвай гьуьрмет хьиз неинки Месигьдихъ иман авун, гьакӀни Адан паталай азабар чӀугун гана.