Popular Bible Verses from Эфесвийриз 6

Share

Вучиз лагьайтӀа чна инсанрин аксина ваъ, гьакимрин, гьукумрин, и мичӀивилин дуьньядин эмиррин ва цаварин кӀаник квай чӀуру руьгьерин аксина женг чӀугвазва.

Гьар са чӀавуз Руьгьдин куьмекдалди гьар жуьредин тӀалабунралди ва минетралди дуьаяр ая. И кар патал уях хьухь ва вири Аллагьдиз талукьбурун гьакъиндай ийизвай дуьада дегиш тахьана дурум гваз хьухь.

Квевай иблисдин фендигарвилерин хура акъвазиз жедайвал, квез Аллагьди ганвай вири яракьарни женгинин парталар жувал алукӀа.

Гьавиляй писвили гьужумдай юкъуз абурун хура квевай акъваз жедайвал ва куьн, вири гьужумар алудна, дурум авайбур жедайвал, Аллагьдин вири яракьар къачу.

Ибурулай виридалай гъейри, имандин къалхан къачу, адалди квевай шийирдин кузвай хьелер туьхуьриз жеда. Хиласвилин ракьун-кӀукӀ алукӀ ва Руьгьдин тур – Аллагьдин Гаф яхъ.

Гьакъикъат хьиз чӀул юкьва туна, гьахъ-михьивал кьеркь хьиз алукӀна, кӀвачерал Аллагьдихъ галаз туькӀвенвайдакай Шад Хабар гуниз гьазурвал алукӀна, кӀевиз акъваз.

Эхирки, Реббидилай аслу яз, Адан къудратдалди ва къуватдалди мягькем жез хьухь.

«Бубадизни дидедиз гьуьрмет ая» – им сифтегьан тагьким я, вичихъ ихьтин хиве кьун галай: «Чилел ви уьмуьр яргъиди хьун патал ва ваз а чилел хъсан хьун патал».

Аялар, Реббидихъ иман ийиз куь диде-бубайрин чӀалаз килиг, гьа икӀ дуьз жеда.