Popular Bible Verses from Эфесвийриз 4

Share

Сад садахъ галаз къени хьухь, сада садахъ рикӀ кузвайди къалура, Аллагьди куь гунагьрилай Месигьдалди гъил къахчурвал, сада садалай гъил къахчу.

Дамах гвачирбур ва умунбур хьухь, сад садав сабурдивди ва муьгьуьббатдивди эгечӀ.

Са жуьрединни чӀуру гафар лугьумир, анжах несигьат патал хийир авай гафар лагь, яб гузвайбуруз нуьсрет гъидайвал ая.

Руьгьда авай гьар жуьредин туькьуьлвиликай, хъилекай, гъазабдикай, гьарайдикай, намусдик хкуьрдай гафарикай ва гьар жуьредин писвиликай хилас хьухь.

Хъиле аваз, гунагь мийир, куь хъел рагъ акӀидалди квек тамир. Куь уьмуьрда иблисдиз чка гумир.

Алцурарзавай гьевесар себеб яз члаф жезвай куь куьгьне тӀулдиз хас уьмуьрдин виликан къайдадикай куьне кьил къакъуддайвал квез чирна. Куь фикиррин тӀул цӀийи ая, Аллагьдин къилих – гьакъикъи гьахъ-михьивал ва паквал къалурзавай цӀийи тӀул алукӀ.

Ислягьвилин зунжурралди куь руьгьдин садвал мягькемарун патал, жедай кьван вири ая.

Аллагьдиз талукьбур къуллугъ авунин кардиз гьазур хьун патал, чун вири иманда ва Аллагьдин Хва кьатӀунин карда садвилив агакьдай кьван чӀавалди, чун руьгьдин акьулбалугъвилив агакьдалди, Виче тамамвилин ацӀайвал авай Месигьдиз ухшар яз чӀехи жедалди, чна Месигьдин Беден арадал гъун патал, Аллагьди садбурукай илчияр, муькуьбурукай пайгъамбарар, масадбурукай Шад Хабардикай муштулухар гудайбур, бязибурукайни инсанар хуьдай чубанар ва муаллимар авуна.

Гьа чӀавуз чакай инсанар рекьелай алудзавай амалдар тапархъанрин къурбандар ийизвай жуьреба-жуьре чирвилерин лепейрал ян гузвай ва гарари тухузвай гъвечӀи аялар жедач. Амма муьгьуьббатдивди гьакъикъат лугьуз, вири крара Кьил яз авай Месигьдин къилих къалуриз, чун чӀехи жеда.