Popular Bible Verses from DAGITI PROVERBIO 19

Share

Adu a pakinakem ti adda iti puso ti maysa a tao; ngem ti patigmaan ni Jehova, dayta agnayonto.

Ti addaan caasi cadagiti napanglaw pabuludanna ni Jehova; ket ti naimbag nga aramidna bayadannanto nga isubli kencuana.

Ti kinamanagpanunot ti tao pagbalinenna a nabannayat nga agpungtot; ket ti dayawna ti panangpalabesna iti caniwas.

Ipangagmo ti patigmaan, ket awatem ti pannacaisuro, tapno masiribca intono camaudianan.

Ti panagbuteng ken ni Jehova agturong iti biag; ket ti addaan iti daytoy agtaengto a sipepennec; isu saanto a sarungcaran ti dakes.

Ti manggun-od iti kinasirib ayatenna ti cararuana met laeng, ti mangsalimetmet iti pannacaawat macasaracto iti imbag.

Dusaem ni anacmo, idinto nga adda inanama; ngem dica igaed ta pusom iti pannacadadaelna.

Ti natiri a sacsi saanto a di madusa; ket ti agyesngaw cadagiti ulbod mapucawto.