Popular Bible Verses from DAGITI PROVERBIO 15

Share

Ti naalumamay a sungbat pagbawingenna ti pungtot; ngem ti macapaladingit a sao pataudenna ti unget.

Ti panagbuteng ken ni Jehova sursuro ti sirib; ket umun-una ti kinapacumbaba ngem ti dayaw.

Ti nanacman a dila isu maysa a cayo ti biag; ngem ti kinaulpit kencuana pacadudugan ti espiritu.

No awan ti balacad, dagiti gandat mawasda; ngem iti caadu dagiti mamalacad mapatibkerda.

Ti naragsac a puso paisemenna ti rupa; ngem gapu ti ladingit ti puso madudog ti espiritu.

Dagiti mata ni Jehova addada iti amin a yan, a sisisiput cadagiti dakes ken naimbag.

Nasaysayaat ti bassit, a cacuyogna ti panagbuteng ken ni Jehova, ngem ti dackel a gameng ket ducot ti cacanunongna.

Ti managpungtot a tao pataudenna ti riri; ngem ti nabannayat nga agpungtot epepenna ti ringgor.

Ti puso ti nalinteg panunutenna ti isusungbatna; ngem ti ngiwat ti nadangkes agibuyat cadagiti dakes a banbanag.