Popular Bible Verses from DAGITI PROVERBIO 12

Share

Ti bantot ti puso ti maysa a tao mamagdumog kencuana; ngem ti naimbag a sao paragsakenna.

Siasinoman nga agayat iti pannacaisuro ayatenna ti pannacaammo; ngem ti manggura iti panagtubngar nadueg.

Adda agsao a sidadarasudos a cas cadagiti panagduyoc ti campilan; ngem ti dila ti masirib isu ti salun-at.

Ti dalan ti maag nalinteg cadagiti matana met laeng; ngem ti masirib ipangagna ti balacad.

Ti alipunget ti maag maammoan a dagus; ngem ti manakem a tao lingdanna ti pacabainan.

Ti natalunggadingan a babai isu ti balangat ni asawana; ngem ti agaramid iti nacababain isu ti cas panagtumoy cadagiti tultulangna.

Dagiti natiri a dila macarimonda ken ni Jehova; ngem dagiti agar-aramid a matalec macaay-ayoda kencuana.

Ti nalinteg isu ti mangidalan iti caarrubana; ngem ti dalan dagiti nadangkes mangpabiddut cadacuada.

Ti bibig ti pudno mapagtalinaedto iti agnanayon; ngem ti natiri a dila apagdaricmat laeng.