Popular Bible Verses from DAGITI PROVERBIO 13

Share

Makicuyogca cadagiti masirib a tattao, ket masiribcanto; ngem ti makicuyog cadagiti maag pagsicorannanto.

Ti mangaluad iti ngiwatna salimetmetanna ti biagna; ngem ti manginganga a napalalo cadagiti bibigna addanto kencuana ti pannacadadael.

Ti mangiliclic iti pagbaot cagurana ni anacna; ngem ti agayat kencuana saplitenna a siannad.

Ti inanama a maitantantan pagsakitenna ti puso; ngem no umapay ni calicagum, isu ti maysa a cayo ti biag.

Ti kinalinteg saluadanna ti nalinteg iti dalan; ngem ti kinadangkes ipadsona ti managbasol.

Ti sanicua a magun-odan iti kinaubbaw macraayto. Ngem ti agurnong gapu iti pagbannoganna manayonanto.

Gapu iti kinatangsit umay la ti riri; ngem cadagiti managsacbay adda ni sirib.

Ti naimbag a tao macaibati iti tawid cadagiti annac dagiti annacna; ket ti sanicua ti managbasol mapenpen a maipaay iti nalinteg.

Ti masirib nga anac ipangagna ti pannursuro ni amana; ngem ti managuyaw dina icascaso ti panangtubngar.

Kinapanglaw ken bain addanto iti daydiay agmadi iti pannacaisuro; ngem ti mangicancano iti panangtubngar mapadayawanto.