Popular Bible Verses from DAGITI PROVERBIO 11

Share

Ti managparabur a cararua mapalucmegto; ket ti agsibug, isu met laeng masibuganto.

Adda agiburay ket sumanicua pay ket di; ket adda agmetmet a nasursuroc pay ngem carbenganna, ket agbanag laeng ken kinapanglaw.

No umay ni tangsit, umay metten ni bain; ngem cadagiti napacumbaba adda ni sirib.

Adinoman ti awanan ti nainsiriban a panangidalan, ti umili matuang; ngem iti caadu dagiti mamalbalacad adda pannacaisalacan.

Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

Ti agalallatiw nga agidanondanon iti saosao, agipalgac iti palpalimed; ngem ti sitatalinaed ti espirituna ilimedna ti panggep.

Ti manangngaasi a tao agaramid iti pagimbagan ti cararuana met laeng, ngem ti nadangcoc parigatenna ti lasangna met laeng.

Ti agtalec cadagiti sanicuana matnagto; ngem ti sililinteg lumapsatto a cas nalangto a bulong.

Ti kinabacnang awanto mamaayna intono al-aldaw ti pungtot; ngem ti kinalinteg mangispal manipud ken patay.

Ti kinamatalec dagiti nalinteg mangidalanto cadacuada; ngem ti kinaulpit dagiti nagulib mangdadaelto cadacuada.

Cas aritos a balitoc iti subsub ti babuy, casta ti naimnas a babai nga awanan kinaannad.

Ti naulbod a cacatian maysa a cagura ni Jehova; ngem ti apag-isu a timbeng macaay-ayo kencuana.