Popular Bible Verses from DAGITI PROVERBIO 10

Share

Ti bendicion ni Jehova ti mangpabacnang; ket saanna nga anayan iti ladingit.

Cadagiti adu a sasao saan nga agcurang ti pannacasalungasing; ngem ti manengngel cadagiti bibigna agaramid a sisisirib.

Ti gura riingenna ti ringgor; ngem ti ayat abbonganna amin a salsalungasing.

Pumanglaw ti agtrabajo a naliway ti imana; ngem ti ima ti nasalucag mamabacnang.

Daydiay adda iti dalan ti biag icascasona ti pammagbaga; ngem ti mangbaybay-an iti pannacatubngar agbiddut.

Ti magna a sililinteg magna a sitatalged; ngem ti mamadakes cadagiti daldalanna maammoanto.

Ti panagbuteng ken ni Jehova nayunanna dagiti al-aldaw; ngem dagiti tawtawen ti nadangkes mapaababadanto.

Ni Jehova dinanto ituloc a ti cararua ti nalinteg mabisinan; ngem iwalinnanto ti calicagum ti nadangkes.

No macalabas ti alipugpog, ti nadangkes awanen; ngem ti nalinteg isu ti agnanayon a pacaibatayan.