Popular Bible Verses from ECLESIASTES 4

Share

Ti dua naimimbagda ngem iti maysa, agsipud ta isuda addaanda iti naimbag a gunguna gapu iti bannogda. Ta no matuangda, ti maysa bangonennanto ti caduana; ngem asi pay daydiay nga agwaywayas intono matuang, ket awanan iti sabali a mangbangon kencuana.

Ket no ti maysa a tao agballigi a maibusor iti agwaywayas, dagiti dua dumaerdanto kencuana; ket ti tinallo a lubid saan a madaras a magsat.

Maysa pay, no dagiti dua agcaiddada agpinnudotda ngarud; ngem casano ti pannacapapudot ti maymaysa?

Naimimbag ti maysa a petpet a napno a buyugen ti kinatalna, ngem ti dua a petpet a napno a buyogen ti bannog ken panagagawa iti angin.

Idin nakitac amin nga aramid ken tunggal napnoan-laing nga aramid, a gapu itoy ti tao inaguman ti caarrubana. Daytoy met isu ti kinaubbaw ken maysa a panagagawa iti angin.

Naimimbag ti maysa a napanglaw ken masirib nga agtutubo ngem iti lacay ken maag nga ari, a dina maawatanen ti patigmaan.