Popular Bible Verses from ECLESIASTES 5

Share

Dica pagdarasudusen ti ngiwatmo, ket dica palubosan nga agdaras ta pusom nga agsao iti aniaman iti sangoanan ti Dios; ta ti Dios adda sadi langit, ket sica iti rabaw ti daga: gapuna a manmano coma dagiti saom.

Tunggal tao met nga iniccan ti Dios cadagiti kinabacnang ken cucua, ket intedna kencuana ti pannacabalin a mangan cadagidiay ken umawat iti apagna, ken agrag-o iti pagbannoganna, daytoy ti sagut ti Dios.

Ti agayat iti pirac dinto mapnec iti pirac: wenno ti agayat iti kinawadwad, agraman yaaduna: daytoy kinaubbaw met.

Aluadam ta sacam no mapanca iti balay ti Dios, ta ti yaadani a panagdengngeg naimimbag ngem iti panangipaay ti sacrificio dagiti maag: ta dida ammo nga agaramidda iti dakes.

No mangicarica iti maysa a cari iti Dios, dica bayagen a tungpalen; ta isu saan a maayayo cadagiti maag: tungpalem ti icarim.

Naimimbag a dica coma mangicari, ngem iti mangicarica ket dica tungpalen.

Ti turog ti agbanbannog a tao nasam-it, uray no mangan iti bassit wenno adu; ngem ti pannacabsog ti bacnang dinanto palubosan a maturog.

Cas iti iruruarna iti tian ni inana, lamolamonto a mapan manen a cas iti iyaayna idi, ket awanto ti maalana iti nagbannoganna a maiggamanna.