Popular Bible Verses from MGA HULUBATON 11

Share

Ang kalag nga maalwan magatambok, kag ang nagabunyag bunyagan man sia.

May yara nga nagasabwag, kag nagadugang pa; may yara nga nagapugung sing labi pa sa nagakaigo, apang ini nagapadolong lamang sa kinawad-on.

Kon ang bugal nagaabut, niyan nagaabut ang kahuluy-an; apang upud sa mapainubuson yara ang kaalam.

Diin walay maalam nga pagtuytuy, ang katawohan nagakapukan: apang sa kadam-an sang manuglaygay may kalig-onan.

Ang bunga sang matarung amo ang kahoy sang kabuhi, kag ang maalam nagadaug sing mga kalag.

Ang nagalibudlibud subong nga malibakon nagapahayag sang mga tinago, apang ang matutum sing espiritu nagatago sang butang.

Ang tawo nga maloloy-on nagahimo sing maayo sa iya kaugalingon nga kalag, apang ang mapintas nagagamo sang iya kaugalingon nga unud.

Ang nagasalig sa iya manggad mapukan, apang ang matarung magalambo subong sang dahon nga hilaw.

Ang manggad walay kapuslanan sa adlaw sang kasingkal, apang ang pagkamatarung nagaluwas sa kamatayon.

Ang pagkadungganon sang matadlong magatuytuy sa ila, apang ang pagkabalingag sang maluib magalaglag sa ila.

Subong sang singsing sa hingudhingud sang baboy amo ang maayoayo nga babayi nga walay pagbinagbinag.

Ang malimbongon nga timbangan kangil-aran sa GINOO, apang ang matarung nga itilimbang kalipayan niya.