Popular Bible Verses from MGA HULUBATON 12

Share

Ang kabug-atan sa tagiposoon sang tawo nagapakoko sini, apang ang maayong polong nagapasadya sini.

Ang bisan sin-o nga nagahigugma sang pagtudlo nagahigugma sang ihibalo, apang ang nagadumut sang pagsabdong sapatsapaton.

May dira nga nagapamolong sing madalas kaangay sang mga pagsuntok sang espada, apang ang dila sang maalam bolong.

Ang dalanon sang buangbuang matarung sa iya kaugalingon nga mga mata, apang ang maalam nagapamati sa laygay.

Ang kagamo sang buangbuang mahibaloan sa gilayon, apang ang mahalongon nagatago sang kahuluy-an.

Ang takus nga babayi amo ang purungpurung sang iya bana, apang ang nagapakahuya subong sang pagkagabok sa iya mga tul-an.

Ang mga bibig nga butigon kangil-aran sa GINOO, apang ang mga nagahisayo sing minatuud amo ang iya kalipay.

Ang matarung tuytuy sa iya isigkatawo, apang ang dalanon sang malauton nagapasayup sa ila.

Ang bibig sang kamatooran palig-onon sa gihapon, apang ang dila nga butigon sa isa lamang ka tion.