Popular Bible Verses from HEBREO 13

Share

Panginluwas kamo sa gugma sa cuarta, kag magcontento sang yara sa inyo; kay sia nagsiling, “Indi ko ikaw nga mas-a pagpalugaw-an ukon pagpatumbayaan ko ikaw.”

Si Jesu-Cristo amo man kahapon kag karon kag sa gihapon.

Gani sa may pagsalig makasiling kita, “Ang Ginoo amo ang akon manugtabang, indi ako mahadluk; ano bala ang himoon sang tawo sa akon?”

Dili malimot sa paghimo sing maayo kag sa pagpanagtag sang yara sa imo, kay sa amo nga mga halad nahamuut ang Dios.

Niyan paagi sa iya maghalad kita sing dalayon sa Dios sing halad sang pagdayaw, nga amo, ang bunga sang mga bibig nga nagatu-ad sang iya ngalan.

Paghuptan sing dungganon sang tanan ang pag-asawahay, kag ang higdaan sang pagkasal dipagdagtaan; kay hukman sang Dios ang mga makihilawason kag mga makilahion.

Dili kamo malimot sa pagsapopo sa mga dumoloong, kay sa sini ang iban nakaamoma sing mga manugtunda sa wala nila mahibaloi.

Karon ang Dios sang paghidait, nga nagbanhaw sang aton Ginoong Jesus, ang daku nga manugpahalab sang mga carnero, bangud sa dugo sang dayon nga katipan, maghimpit sa inyo sa tagsa ka maayong buhat sa paghimo sang iya kabubut-on, nga nagahikot sa aton sang nahamut-an sa iya itololok, paagi kay Jesu-Cristo; nga sa iya ang himaya sa katuigan kag katuigan. Kabay pa.