Popular Bible Verses from SANTIAGO 1

Share

Mga kauturan ko, kabiga ninyo nga bug-os nga kalipay kon makasugata kamo sing madamu nga mga pagtilaw, kay nakahibalo kamo nga ang pagtilaw sang inyo pagtoo nagahikot sing pagkalig-on.

Kon may yara sa inyo nga nakulangan sing kaalam, papangayoa sia sa Dios nga nagahatag sing maalwan sa tanan nga tawo kag wala nagabasul, kag hatagan sia sini.

Kilalaha ini, hinigugma kong mga kauturan. Ang tagsa ka tawo magmadagmit sa pagpamati, magmahinay sa paghambal, magmakuli sa pagpangakig

Kag pahikota sing bug-os ang pagkalig-on, agud nga mahimpit kamo kag mabug-os, nga walay kakulangan.

Apang magmanugtuman kamo sang polong, kag dili manugpalamati lamang, nga nagadaya sang inyo kaugalingon.

Bulahan ang tawo nga nagabatas sang pagtilaw, kay sa tapus sia matilawan magabaton sia sang purungpurung sang kabuhi nga ginsaad sang Dios sa mga nagahigugma sa iya.

Ang tagsa ka maayong hatag kag ang tagsa ka dolot nga himpit nagagikan sa hitaas, halin sa Amay sang mga kapawa nga sa iya walay pagliwanliwan ukon landong sang pagbalhin.

Kay kon ang bisan sin-o manugpamati sang polong kag indi manugtuman, kaangay sia sa tawo nga nagatan-aw sang iya kinaugali nga nawung sa salaming; kay ginatan-aw niya ang iya kaugalingon kag nagahalin kag sa gilayon nalimot kon ano nga bagay sang tawo sia.

Ang putli nga pagtoloohan kag walay dagta sa atubang sang Dios kag Amay amo ini: ang pagduaw sa mga ilo kag balo nga mga babayi sa ila kapipit-an, kag sa pagtipig sang iya kaugalingon nga walay dagta sa sining kalibutan.

Walay tawo nga sang ginasulay sia magsiling, “Ginasulay ako sang Dios”; kay ang Dios indi masulay sang malaut kag sia gid wala nagasulay sa bisan kay sin-o nga tawo; apang ang tagsa ka tawo ginasulay kon ginabuyok sia kag ginahaylo sang iya kaugalingon nga kailigbon.

Pahimayaa ang utud nga kubus sa iya mataas nga kahimtangan