Popular Bible Verses from 1 PEDRO 2

Share

Apang kamo pinili nga kaliwatan, harianon nga pagkasacerdote, balaan nga pungsud, katawohan nga iya sang Dios, agud nga mapakita ninyo ang gamhanan nga mga buhat sang nagtawag sa inyo gikan sa kadudulman pakadto sa iya kalatingalahan nga kapawa.

Sia gid nagdala sang aton mga sala sa iya lawas sa kahoy, agud nga kita mapatay sa sala kag magkabuhi sa pagkamatarung. Bangud sang iya mga pilas nag-ayo kamo. Kay nagtalang kamo subong sang mga carnero, apang karon nagbalik sa Manugpahalab kag Manugtatap sang inyo mga kalag.

Sa nagligad nga tion indi kamo katawohan apang karon katawohan kamo sang Dios; sa nagligad nga tion wala kamo makaagum sing kalooy apang karon nakaagum sing kalooy.

Subong sang mga bata nga bag-o natawo, handuma ang gatas nga espirituhanon nga walay simbog, agud nga bangud sini magtubo kamo sa kaluwasan

Mga hinigugma, ginapakilooy ko sa inyo subong nga mga dumoloong kag mga manlulugayaw nga maglikaw sa mga kailigbon nga unudnon nga nagapakig-away batok sa inyo kalag. Maggawi kamo sing nagakaigo sa tunga sang mga Gentil, agud nga kon ginapakamalaut kamo nila, sila bangud sang inyo maayong mga buhat nga ila nakita maghimaya sang Dios sa adlaw sang pagduaw.

kag subong sang mga bato nga buhi matukud kamo inyo nga espirituhanon nga balay, nga manginbalaan nga pagkasacerdote, sa pagdolot sing espirituhanon nga mga halad nga nahamut-an sa Dios paagi kay Jesu-Cristo.

Gani isikway ang tanan nga kalautan kag tanan nga limbong kag pagkasalimpapaw kag kahisa kag tanan nga pagbutangbutang.

Magpalapit kamo sa iya, sa sinang bato nga buhi, nga ginsikway sang mga tawo apang sa Dios pinili kag hamili

Magkabuhi subong nga hilway nga mga tawo, apang wala nagagamit sang inyo kahilwayan nga kunup sang kalautan; kondi magkabuhi subong nga mga ulipon sang Dios.

Kay amo ini ang kabubut-on sang Dios nga paagi sa paghimo sing maayo pahipuson ninyo ang pagkakulang sing ihibalo sang buangbuang nga mga tawo.