Popular Bible Verses from 1 MGA HARI 18

Share

Pamatii ako, O GINOO, pamatii ako, agud nga ini nga katawohan magkilala nga ikaw, O GINOO, amo ang Dios, kag nga ikaw nagpabalik liwat sang tagiposoon nila.”

Kag sa tion nga inugdolot sang halad sa kahaponon, nagpalapit ang manalagna nga si Elias kag nagsiling, “O GINOO, ang Dios ni Abraham, ni Isaac, kag ni Israel, ipakilala sini nga adlaw nga ikaw amo ang Dios sang Israel, kag nga ako imo alagad, kag nga tungud sang imo polong ginhimo ko ini tanan nga butang.

Kag nagpalapit si Elias sa bug-os nga katawohan, kag nagsiling, “Tubtub pa bala san-o magpiniang kamo sa tunga sang duha ka panghunahuna? Kon ang GINOO among Dios, sonda sia; apang kon si Baal, niyan sonda sia.” Kag ang katawohan wala magsabat bisan isa ka polong.

Niyan ang kalayo sang GINOO naholog, kag nag-upus sang halad-nga-sinonog, kag sang gatong, kag sang mga bato, kag sang yab-ok, kag nagdilap sang tubig nga yadto sa kalog.

Kag sang nakita ini sang bug-os nga katawohan, naghapa sila; kag nagsiling sila, “Ang GINOO, sia amo ang Dios; ang GINOO, sia amo ang Dios.”

Kag sa ikapitong tion nagsiling sia, “Yari karon, may nagapaibabaw nga gal-um gikan sa lawud subong kadiotay sang kamut sang tawo.” Kag nagsiling sia, “Taklad ka, isiling kay Acab, ‘Takdi ang imo kangga kag dulhog ka, agud indi ka pag-upangan sang ulan.’”

Kag ang kamut sang GINOO yara kay Elias; kag nagpanampion sia kag nagdalagan nga nakauna kay Acab sa salamputan sang Jezreel.

Kag si Elias nagsiling kay Acab, “Taklad ka, magkaon kag mag-inum; kay may huganas sang bugana nga ulan.”

Kag nagsiling sia sa iya alagad, “Taklad na karon, tolok nayon sa lawud.” Kag sia nagtaklad kag nagtolok, kag nagsiling, “Wala sing ano.” Kag nagsiling sia, “Lakat liwat sing makapito.”

Niyan si Elias nagsiling sa bug-os nga katawohan, “Palapit kamo sa akon”; kag ang bug-os nga katawohan nagpalapit sa iya. Kag ginkaayo niya ang halaran sang GINOO nga nawagwag

Kag panawag kamo sa ngalan sang inyo dios kag ako magapanawag sa ngalan sang GINOO; kag ang Dios nga nagasabat paagi sa kalayo, manginsia ang Dios.” Kag ang bug-os nga katawohan nagsabat, “Maayo nga pinamolong.”

nagkuha si Elias sing napulo kag duha ka bato, sono sa kadamuon sang mga kabikahan sang mga anak ni Jacob, nga sa iya nag-abut ang polong sang GINOO, nga nagasiling, “Si Israel mangin-imo ngalan”

Kag sa odto si Elias nag-uligyat sa ila, nga nagsiling, “Singgit kamo sing mabaskug, kay dios sia; ayhan nagapamalandong sia, ukon nagdayan sia, ukon sa panlakatan sia, ukon ayhan nagakatolog sia kag dapat pukawon.”

kag sa sini nga mga bato nagpatindug sia sing halaran sa ngalan sang GINOO. Kag naghimo sia sa palibut sang halaran sing kalog, subong kadaku sa masudlan sang duha ka sukub nga binhi.