Popular Bible Verses from 1 MGA HARI 17

Share

Kay amo ini ang ginasiling sang GINOONG Dios sang Israel, ‘Ang tadyaw sang harina dili maubusan, kag ang tibud sang lana dili mawad-an, tubtub sa adlaw nga ang GINOO magapaulan sa duta.’”

Karon si Elias nga Tisbinhon, nga isa sang mga manlulugayaw sang Galaad, nagsiling kay Acab, “Sa nagakabuhi ang GINOONG Dios sang Israel, nga sa atubangan niya nagatindug ako, walay ton-og ukon ulan sining mga tuig, kondi sa akon polong.”

Kag si Elias nagsiling sa iya, “Dili ka mahadluk; lakat ka kag himoa sono sa imo nasiling; apang himoi ako anay sa iya sing isa ka diotay nga kalan-onon kag dalha ini sa akon, kag ugaling himo ka nga sa imo kag sa imo anak nga lalaki.

Kag nagsiling sia, “Sa nagakabuhi ang GINOO nga imo Dios, walay kalan-onon ako, kondi isa ka tapnay nga harina sa banga, kag diotay nga lana sa tibud; kag yari karon, nagapamolot ako sing duha ka gatong, agud nga magsulud ako kag maghiwat sini nga sa akon kag sa akon anak nga lalaki, kag magkaon kami sini, kag mapatay.”

“Tindug ka, kadto sa Sarepta, nga nasakup sang Sidon, kag puyo ka didto. Yari karon, nagsogo ako sa isa ka babayi nga balo didto sa pagsagud sa imo.”

Ang tadyaw sang harina wala maubusi, kag ang tibud sang lana wala mawad-i, sono sa polong sang GINOO nga ginpamolong niya paagi kay Elias.

Kag naglakat sia kag naghimo sono sa ginasiling ni Elias; kag nagkaon sia, kag ang babayi kag ang iya panimalay sa madamu nga adlaw.

Gani nagtindug sia kag nagkadto sa Sarepta; kag sang pag-abut niya sa gawang sang banwa, yari karon, didto may balong babayi nga nagapangahoy; kag gintawag niya sia kag nagsiling, “Kuhai ako sing diotay nga tubig sa suludlan, agud nga mag-inum ako.”

Magainum ka sa sapa, kag ginsogo ko ang mga uwak sa pagpakaon sa imo didto.”

Kag sa nagalakat ang babayi sa pagkuha sini, nagtawag sia sa iya kag nagsiling, “Dalhi ako sing isa ka hungit nga tinapay sa imo kamut.”

Kag ang mga uwak nagdala sa iya sing tinapay kag unud sa aga, kag tinapay kag unud sa gab-i; kag nag-inum sia sa sapa.

Kag sa wala madugay ang sapa nagmala, bangud nga walay ulan sa duta.

Kag ang babayi nagsiling kay Elias, “Karon nakilala ko nga ikaw tawo sang Dios, kag nga ang polong sang GINOO sa imo baba kamatooran.”

Gani nagkadto sia kag naghimo sono sa polong sang GINOO; nagkadto sia kag nagpuyo sa luyo sang sapa nga Carit nga yara sa atubangan sang Jordan.

Kag ginpamatian sang GINOO ang tingug ni Elias; kag ang kalag sang bata nag-uli sa iya, kag naumpawan sia.