Popular Bible Verses from Mga Taga-Roma 11

Share

Kay ang tanan nga mga butang naghalin sa Dios, kag ini tanan gintuga tungod sa iya kag para sa iya. Sa Dios ang kadungganan nga wala sing katapusan! Kabay pa.

Daw ano kadamo ang kamanggaran sang Dios! Daw ano kadalom sang iya kaalam kag ihibalo! Sin-o bala ang makasaysay sang iya mga paghukom? Sin-o bala ang makahangop sang iya mga paagi?

Ang kasulatan nagasiling: “Sin-o bala ang makahibalo sang hunahuna sang Ginoo? Sin-o bala ang makalaygay sa iya?

Amo man ini karon sa sini nga panahon: tungod sang kaayo sang Dios, may pila pa ka mga pinili sang Dios nga nabilin. Ang iya pagpili nasandig sa iya kaayo kag indi nasandig sa ila hinimuan. Kay kon ang pagpili sang Dios nasandig sa ginahimo sang mga tawo, ti, ang iya kaayo indi matuod nga kaayo.

Ang iban nga mga sanga sang gintanom nga kahoy nga olivo ginpang-utod kag ang sanga sang kahoy nga olivo sa talon ginsugpon sa iya. Kamo nga mga Hentil kaangay sinang olivo sa talon, kag karon nagaambit na kamo sang kusog kag sang bugana nga kabuhi sang mga Judio. Gani, indi ninyo paghikayan ang mga ginpang-utod pareho sang mga sanga. Wala gid kamo sang himpit nga kabangdanan sa inyo pagpabugal. Sanga man lang kamo, kag wala kamo nagasagod sang gamot, kundi ang gamot amo ang nagasagod sa inyo.