Popular Bible Verses from Mga Taga-Roma 10

Share

Kon imo ginapabutyag sa mga tawo nga “si Jesus Ginoo,” kag nagatuo ka sa imo tagipusoon nga ginbanhaw sia sang Dios halin sa mga minatay, maluwas ka.

Ang Dios magabaton kag magaluwas sa imo, kon ikaw magtuo kag magsugid sini sa iban.

Gani, ang pagtuo nagagikan sa pagpamati sang pulong sang Dios, kag ang pulong sang Dios nagaabot paagi sa pagwali nahanungod kay Cristo.

Ang kasulatan nagasiling, “Ang tagsatagsa nga nagatuo sa iya indi mapaslawan.” Ini para sa tanan, tungod kay wala sing kinatuhay ang mga Judio sa mga Hentil. Ang Dios amo man ang Ginoo sang tanan, kag nagahatag sia sing bugana nga kaayuhan sa tanan nga nagapanawag sa iya. Ang kasulatan nagasiling, “Ang tagsatagsa nga nagapanawag sa ngalan sang Ginoo maluwas.”

Kag paano bala ang pagwali sang pulong sang Dios, kon wala mapadala ang mga manugwali? Ang kasulatan nagasiling, “Daw ano katahom tulokon ang pag-abot sang mga manugwali sang maayong balita!”

Pero paano bala ang pagpanawag nila sa iya, kon wala sila magtuo? Kag paano bala ang pagtuo nila sa iya, kon wala sila makabati sang pulong sang Dios? Kag paano bala ang pagkabati nila, kon wala mawali sa ila ang pulong sang Dios?

Kay si Cristo amo ang katapusan sang Kasugoan, agod nga mabaton sa atubang sang Dios ang tagsatagsa nga nagatuo.