Popular Bible Verses from Mga Taga-Filipos 1

Share

Pat-od gid ako nga ang Dios nga nagsugod sining maayong buhat sa inyo, magapadayon tubtob mahimpit ini sa Adlaw ni Cristo Jesus.

Amo ini ang akon pangamuyo para sa inyo nga ang inyo gugma magtubo nga magtubo nga naupdan sang matuod nga kaalam kag himpit nga paghangop, agod nga sarang kamo makapili sang labing maayo. Gani manginputli kamo nga wala sing kasawayan sa Adlaw ni Cristo.

Kay ano bala ang kabuhi? Para sa akon ang pagkabuhi amo si Cristo, kag ang kamatayon nagadala sing daku pa nga kaayuhan.

Nagapasalamat ako sa akon Dios tungod sa inyo sa tagsa ka tion nga madumdoman ko kamo.

Karon ang importante nga butang amo nga dapat magginawi kamo suno sa ginasugo sang Maayong Balita ni Cristo, agod nga bisan makabisita ako sa inyo ukon indi, mabatian ko nga malig-on kamo nga may isa lamang ka tinutuyo kag nagabuyloganay sa pagpanikasog sa isa lamang ka handom agod ang iban magtuo sa Maayong Balita.

Kay daku gid ang akon handom kag paglaom nga indi gid ako mahuy-an, pero sa tanan nga tion labi na gid karon, magmaisog ako, agod nga sa akon bug-os nga kaugalingon mapasidunggan ko si Cristo, bisan mabuhi ako ukon mapatay.

Kay ginhatagan kamo sing kahigayunan sa pag-alagad kay Cristo, indi lamang sa pagtuo sa iya, kundi man sa pag-antos tungod sa iya.