Popular Bible Verses from Mateo 9

Share

Gani nagsiling sia sa iya mga gintuton-an, “Malapad ang alanyon, ugaling diutay lang ang mangangani. Magpangamuyo kamo sa tag-iya sang alanyon, agod magpadala sia sang dugang nga mga mangangani sa pagtipon sang iya patubas.”

Lakat kamo kag usisaa ninyo kon ano ang kahulogan sini nga kasulatan: ‘Indi halad nga mga sapat ang akon luyag, kundi ang pagkamaluloy-on.’ Kay wala ako mag-abot sa pagtawag sang matarong nga mga tawo kundi sang mga makasasala.”

Sang makita niya ang madamo nga mga tawo, naluoy gid sia sa ila tungod kay nagapalibog kag nagatalangtalang sila kaangay sang mga karnero nga wala sing manugbantay.

Si Jesus nakabati kag nagsabat sa ila, “Ang mga tawo nga wala sing balatian wala nagakinahanglan sing manugbulong, kundi ang mga masakiton lang.

Dayon si Jesus naglibot sa tanan nga mga kabanwahanan kag mga kabarangayan. Nagpanudlo sia sa ila mga sinagoga, nagwali sang Maayong Balita nahanungod sang paghari sang Dios, kag nagpang-ayo sang mga tawo sa ila tanan nga mga masakit kag balatian.