Popular Bible Verses from Mateo 10

Share

“Pamatii ninyo ini! Ginapadala ko kamo subong nga mga karnero sa tunga sang mga lobo. Magmainandamon kamo subong sang mga man-og, kag magmabuot subong sang mga pating.

Ang bisan sin-o nga nagapaniguro sang iya kabuhi madula niya ini, pero ang bisan sin-o nga nagadula sang iya kabuhi tungod sa akon maangkon niya ini.

Indi kamo magkahadlok sa mga makapatay sang lawas pero indi makapatay sang kalag; sa baylo magkahadlok kamo sa Dios nga makalaglag sang lawas kag kalag sa impierno.

Ang bisan sin-o nga wala nagapas-an sang iya krus kag nagasunod sa akon, indi angay nga mangin-akon gintuton-an.

“Ang bisan sin-o nga magkilala sa akon sa atubang sang mga tawo, kilalahon ko man sia sa atubang sang akon Amay sa langit. Pero ang bisan sin-o nga indi magkilala sa akon sa atubang sang mga tawo, indi ko man sia pagkilalahon sa atubang sang akon Amay nga yara sa langit.

Ayuha ninyo ang mga masakiton, banhawa ang mga patay, ayuha ang mga aruon, kag tabuga ninyo ang mga demonyo. Nakabaton kamo nga wala magbayad, gani maghatag man kamo nga indi magpabayad.

Gani indi kamo magkahadlok, kay mas mahal pa kamo kaayo sang sa magamay nga mga pispis!”

“Indi kamo maghunahuna nga nag-abot ako sa kalibutan sa pagdala sing paghidait. Wala ako mag-abot sa pagdala sing paghidait kundi kagamo.