Popular Bible Verses from Mateo 3

Share

Pamatud-i ninyo sa inyo mga buhat nga naghinulsol kamo sang inyo mga sala.

Kag may tingog gikan sa langit nga nagsiling, “Amo ini ang hinigugma ko nga Anak nga akon gid nahamut-an.”

Gani ginbautisohan si Jesus. Sa gilayon sang pagtakas niya sa tubig, nag-abri ang langit kag nakita niya ang Espiritu sang Dios nga nagkunsad subong sang isa ka pating kag naghapon sa iya.

Nagabautiso ako sa inyo sang tubig sa pagpakilala nga naghinulsol kamo, pero ang magaabot nga dason sa akon magabautiso sa inyo sang Espiritu Santo kag sang kalayo. Mas gamhanan pa sia sang sa akon, kag indi gani ako takos bisan pa sa pagbitbit sang iya mga sandalyas.

Ang Dios handa na sa pagwasay sang mga kahoy sa ila mga gamot. Ang tagsa ka kahoy nga indi maayo ang bunga pagatapson kag ihaboy sa kalayo.

Si Juan amo ang tawo nga gintumod ni Isaias nga propeta sang magsiling sia: “Nagawali sing mabaskog ang isa ka tawo sa desierto, ‘Amana ninyo ang alagyan para sa Ginoo, maghimo kamo sing tadlong nga dalan nga iya pagaagyan!’”