Popular Bible Verses from Mateo 2

Share

Nagsulod sila sa balay kag nakita nila ang bata kaupod sang iya iloy nga si Maria. Nagluhod sila kag nagsimba sa bata. Dayon ginbuksan nila ang ila mga dala, kag nagdulot sila sa iya sang bulawan, insyenso, kag mira.

Sang natawo na si Jesus sa banwa sang Betlehem nga sakop sang Judea sa panahon nga si Herodes ang hari, may nag-abot sa Jerusalem nga mga tawo halin sa Sidlangan, nga nakatuon sang mga bituon. Nagpamangkot sila, “Sa diin na bala ang bata nga natawo nga manginhari sang mga Judio? Nakita namon ang iya bituon sa sidlangan, kag nag-abot kami sa pagsimba sa iya.”

Sang mabatian nila ang ginsiling sang hari, naglakat sila. Sang nagapanglakaton sila, nakita nila ang bituon nga nakita nila anay sa Sidlangan. Nagkalipay gid sila sang makita nila ang bituon. Nag-una ini sa ila kag nagdulog sa ibabaw sang lugar sa diin nahamtang ang bata.

Ginpaandaman sila sang Dios sa damgo nga indi sila magbalik kay Herodes, gani nagpauli sila paagi sa lain nga dalan. Sang makahalin na ang mga bisita, ang anghel sang Ginoo nagpakita kay Jose sa damgo kag nagsiling, “Bangon ka, dalha ang bata kag ang iya iloy kag magpalagyo kamo sa Ehipto. Pabilin kamo didto tubtob magsiling ako sa inyo nga maghalin kamo kay si Herodes magapapangita sang bata sa pagpatay sa iya.”