Popular Bible Verses from Mga Hebreo 13

Share

Likawi ninyo ang paghigugma sa kwarta, kag manginkuntento kamo sang yara sa inyo. Kay ang Dios nagsiling, “Indi gid ako magbiya kag magpatumbaya sa inyo.”

Si Jesu-Cristo amo man kahapon, karon kag sa gihapon.

Gani magpakaisog kita kag magsiling: “Ang Ginoo amo ang akon manugbulig, wala ako sing kahadlukan. Ano ang mahimo sang tawo sa akon?”

Indi kamo magkalipat sa paghimo sing maayo kag sa pagbinuligay, tungod kay amo ini ang mga halad nga nagapahamuot sa Dios.

Gani, ihalad ta sa gihapon ang pagdayaw sa Dios subong aton halad paagi kay Jesus, nga amo ang halad nga ginabungat sang mga bibig nga nagatuad sang iya ngalan subong Ginoo.

Dapat pasidunggan sang tanan ang pag-asawahay, kag ang mga bana kag mga asawa indi magluib sa isa kag isa. Pagahukman sang Dios ang tanan nga mga makihilawason kag ang mga nagapanginbabayi ukon nagapanginlalaki.

Indi kamo mag-untat sa pagbaton sang mga estranghero sa inyo mga balay. May pila nga nakahimo sini kag sa wala nila mahibaloi ang ginbaton nila mga anghel.

Ang Dios nagbanhaw halin sa mga minatay sang aton Ginoong Jesus nga amo ang Gamhanan nga Manugbantay sang mga karnero nga tungod sang iya dugo, naselyohan ang wala sing katapusan nga kasugtanan. Kabay nga ang Dios sang paghidait maghatag sa inyo sang tanan nga maayo nga mga butang nga inyo ginakinahanglan agod matuman ninyo ang iya kabubot-on, kag kabay nga paagi kay Jesu-Cristo, himuon sang Dios sa aton ang iya nahamut-an. Kag sa kay Cristo ang kadayawan nga wala sing katapusan! Kabay pa.