Popular Bible Verses from Santiago 1

Share

Mga utod ko, kabiga ninyo nga mapalaron gid kamo kon ang tanan nga sahi sang mga pagtilaw mag-abot sa inyo, kay nakahibalo kamo nga kon ang inyo pagtuo magdaog sa pag-atubang sina nga mga pagtilaw, ang resulta sina amo nga manginmalig-on kamo.

Pero kon may yara sa inyo nga kulang sa kaalam, dapat sia magpangamuyo sa Dios, kag ang Dios magahatag sini sa iya, tungod kay ang Dios maalwan kag nagahatag sing bugana sa tanan.

Dumdoma ninyo ini, hinigugma ko nga mga utod! Magmaabtik kamo sa pagpamati, pero indi kamo magdasudaso sa paghambal kag indi magmadali sa pagpangakig.

Pat-ura ninyo nga ini nga kalig-on magpadayon, nga wala sing pag-untat, agod nga manginhimpit kamo kag manginbug-os nga wala sing kakulangan.

Indi pagbuanga ang inyo kaugalingon paagi sa pagpamati lamang sang iya mga pulong, kundi ibutang ninyo ini sa buhat.

Malipayon ang tawo nga matutom sa gihapon bisan ginatilawan, kay sa tapos sia matilawan, ihatag sa iya ang kabuhi nga wala sang katapusan, ang balos nga gintigana sang Dios sa mga nagahigugma sa iya.

Ang tagsa ka maayo nga dulot kag ang tagsa ka himpit nga bugay nagagikan sa langit; nagahalin ini sa Dios, nga Manunuga sang langitnon nga mga kapawa. Wala sia nagabaylo kag wala sia nagatalikod ukon nagabiya sa aton sa kadudulman.

Kay ang bisan sin-o nga nagapamati sa pulong kag wala niya ini ginabutang sa buhat kaangay sa isa ka tawo nga nagapang-espeho kag makita niya ang iya kaugalingon nga kahimtangan. Ginatan-aw niya ang iya kaugalingon kag dayon nagalakat, kag sa gilayon malipatan niya kon daw ano ang iya hitsura.

Ang putli kag wala sing dagta nga pagtoluohan nga ginakabig sang Dios nga Amay amo ini: ang pagsapupo sa mga ilo kag sa mga balo sa ila pag-antos, kag sa pagtipig sang iya kaugalingon sa mga kagarukan sang kalibutan.

Kon ang isa ka tawo ginasulay, indi sia dapat magsiling, “Ini nga pagsulay nagahalin sa Dios.” Kay ang Dios indi masulay sa paghimo sing malain, kag sia mismo wala nagasulay sa kay bisan sin-o. Pero ang tawo ginasulay kon ginaguyod sia kag ginasiod sang iya malaut nga handom.

Ang imol nga utod dapat magkalipay kon ang Dios magbayaw sa iya