Popular Bible Verses from Daniel 6

Share

Pagkahibalo ni Daniel nga ang mando napirmahan na, nagpauli sia. Sa naibabaw nga kwarto sang iya balay may mga bintana nga nagaatubang sa Jerusalem. Subong sang ginahimo niya pirme nagluhod sia didto nga bukas ang mga bintana kag nagpangamuyo sa Dios sing tatlo ka beses sa isa ka adlaw.

Ang Dios nagpadala sang iya anghel sa pagpakipot sa mga baba sang leon agod nga indi nila ako maano. Ginhimo niya ini tungod kay nakahibalo sia nga wala ako sing sala, kag tungod kay wala ako sing malain nga nahimo sa imo, Mahal nga Hari.”

Nagamando ako nga sa bug-os ko nga ginharian ang tanan magkahadlok kag magtahod sa Dios ni Daniel. “Buhi sia nga Dios kag magagahom sa walay katubtoban. Ang iya ginharian indi gid malaglag, kag ang iya gahom walay katapusan. Nagaluwas sia kag nagatabang, nagahimo sia sing mga katingalahan kag mga milagro sa langit kag sa duta. Ginluwas niya si Daniel sa gahom sang mga leon.”

Dayon ang hari nagmando nga dakpon si Daniel kag ihaboy sa lungib sang mga leon. Nagsiling sia kay Daniel, “Kabay nga ang imo Dios nga imo ginaalagad sing matutom magluwas sa imo.”