Popular Bible Verses from Daniel 7

Share

Dayon ginhatagan sia sing awtoridad, kadungganan, kag harianon nga gahom, agod nga ang mga tawo sang tanan nga mga pungsod, rasa, kag linggwahe magaalagad sa iya. Ang iya gahom magapadayon sa walay katubtoban, kag ang iya ginharian wala sing katapusan.

Sa akon palanan-awon sa sadto nga gab-i, may nakita ako nga daw tawo. Nagapalapit sia sa akon nga ginalikupan sang panganod, kag nagkadto sia sa isa nga nagakabuhi sing walay katapusan kag gindala sia sa iya presensya.

Ang gahom kag kadungganan sang tanan nga mga ginharian sa duta igahatag sa mga tawo sang Labing Mataas nga Dios. Ang ila harianon nga gahom wala sing katapusan kag ang tanan nga manuggahom sa duta magaalagad kag magatuman sa ila.”

Kag ang mga tawo sang Labing Mataas nga Dios magabaton sing harianon nga gahom nga mangin-ila sa walay katapusan.”