Popular Bible Verses from 1 Timoteo 4

Share

Indi pagtugoti nga hikayan ka ni bisan sin-o man tungod kay pamatan-on ka, kundi magmanginsulondan ka sang mga tumoluo sa imo panghambal, pagginawi, paghigugma, pagtuo kag pagkaputli.

Ang paghanas sang lawas may kapuslanan, pero sa tanan nga bagay mapuslanon pa gid ang espirituhanon nga paghanas, tungod kay ini nagasaad sang kabuhi para sa karon kag sa palaabuton.

Bantayi ang imo kaugalingon kag ang imo ginatudlo. Padayuna ang paghimo sini nga mga butang, tungod kay kon imo ini ginahimo, maluwas mo ang imo kaugalingon kag ang mga nagapamati sa imo.

Ang Espiritu nagasiling sing maathag nga sa ulihi nga mga panag-on may mga tawo nga magabiya sang ila Cristohanon nga pagtuo. Tumanon nila ang butigon nga mga espiritu kag sundon nila ang mga pagtulon-an sang mga demonyo.

Pero likawi ang di-diosnon kag patupato nga mga sugilanon, nga indi dapat isugid. Hanasa ang imo kaugalingon sa kabuhi nga diosnon.

Magmaukod ka sa pagbasa sang mga Kasulatan sa mga tumoluo, kag sa pagwali kag pagpanudlo tubtob sa akon pag-abot.