Popular Bible Verses from Róóma 7

Share

Gón kufachietallá máá hí ye gaa ririanká he Máá kúnnaa Guđo Yiesu Kirísto! Aaléka, kí Waag gielmít hol ˈdú nuo! Aalé it yaalmit chia kissoká argiyye. Kaschú íín hemuumurit Waaˈgiet ki tielleká he feˈde, tá ˈdaa giri yú ađaabano gim gaa ijeká in yú ađaabano hemuumuritle af ˈduuwasie.

Hát hé níínní midhab-, ye gaa ijo-, mánká yáá óg. Yú hé ˈdúwaká ekemeyoká fede, kor fargogint hé kinaal ki ekemeyoká yáá mán.

Yú hé midhabká ekemeyoká fede, kor he má ekemeyo. Héétí yáá hé ˈdeđewká ekemeyoká ma fediny, in geđi he ekemeye.

Aalé har hé yú ma fedinyká yú ekemeyoka, yáá hé kinaallá dhúrchú hol ma kí mumuran, he ađaabano ye gaa iđoká hí ye mé ki kokoyyo.

Yaalmit chia kinaal hé yú gaa kimiteká, he af giri yú hé midhabká ekemeyoká fedoká, in hé kinaal afle yú hé ˈdeđewká ekemeye. Hemuumurit Waaˈgiet kaschúka yáá tág giel

Aaléka hé yú ma fediny-, onnônyka yú ma ekemenyká yú ekemeyoka, af kinaalka hemuumurít hát taglé-, yú íín he ˈdeeneyká yáá iiy yie.