Popular Bible Verses from Róóma 6

Share

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Aaléka, hééllá onnóo, muun yaalmit kúnnaa kisso-, ke ki ijeká hé ubaa Kirísto ˈgór đarám yaalká ˈdú kufe, giri muun balt gonniet fargogintle ke gim yé gáá ˈdeˈdeen-, ke geđi ađaabano gim ma gaa iđinyká.

Aalé hát hí ađaabano farguoginsamle gim yé gáá ˈdiiyye-, luolmit kíchia hí ˈdaa Yiesu Kiristo ka ˈgayyáállá, hí Waag ki ˈduuwaychoká mé ka ˈgáa.

Aaléka, háte ki ˈdeeme? He in taalle ađaabano ke higilla, ki gaa ija, giri Waag ˈdúˈjímlé gáál ˈdú ˈjeˈjeennoká súm iilshanatkâ? Hé kinaal Waag hí điito! Múúni ki ađaabano gim yé gáá ˈdíéllá, háteeye geđi ki ađaabano hátle gim gaa ija?

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet! Aalé káánaka, it ađaabano gim yé gáá ˈdiiyye, it gede Waaˈgiet-, hé ˈdúwa-, Waag hí feˈdoká ekemeyoká chie.