Popular Bible Verses from Róóma 5

Share

Tá Waag gielmitlé gáál gielká hátlé gáál ka argisicheká hééllá: Af giri hátle ki ađaabano ubaa nyuogimkúnno gaa ijeká in Kirísto gáál ˈdú kufe.

ˈDaa giri Waag múún gáál Hím Naasanle ká shiiche-, gáál gielmitle koch ki hoychééllá, he af iđiny Waaˈgietallá met esiny ubaa onyle hé gáál af hódho ma hođiny.

Hé ke hé kinaallá tákámle ma gaa geyyiminy, manyjanykúnno úba ha ki gaa geyyime, ˈdaa giri manyjany hat mé ki chirsan yé ˈdú ˈdeˈdeennoká ki ógká. Héétí mé ki chirsan húgúm Waag hí feˈdoká he yé ˈdú ˈdeˈdeenne, tá húgúm Waag hí feˈdo kinaal íín hé yé ˈdú ˈdeˈdeenká he he ony giri hé Waag hí gáál af iđicheká hát he ˈduuwawká ke ógká.

Aaléka, ˈdaa giri ke Yíésu iiy yie-, Waag innumleka muun gáál gál ˈdúwaká chíélláka, muun káána hé ke Waag hol naanná ki ijo. Naanna kinaallá Máá kúnnaa Guđo Yiesu Kirísto ˈdaallé he ká naate. Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Aalé káána, Kirísto fásle ˈdaalle ˈdugaka, Waag múún gáál gál ˈdúwaká hoyche. ˈDaa giri ke hé kinaal ógká, Kirísto hát muun gáál Waag idholle ubaa he il ká argisinyle gáál gaa ririanká hé úba ke óg.

ˈDaa giri máá tikiˈde Áˈdamlééllá Waag af đuˈduseká in gálaat lulle ađaabano hile. Héétí, ˈdaa giri máá tikiˈde Kirísto lééllá Waag af ˈduuwayká in gál gúúđo Waag hí gál ˈdúwaká hođicha.

Héétí, ˈdaa Máá kúnnaa Guđo Yiesu Kirísto giri múún ubaa Waag gáál hol hilsíélláka in muun káána úba ke Waag gaa geyyime.