Popular Bible Verses from Róóma 4

Share

Mu hé ˈdeeny Waag hí af iđichééllá ma ki náan. Mu hé iiy yeenle far ki gogoy, Waag meey, Waag ˈdúúw shie. Hé Waag hí mú af iđichééllá, hát Waag fargogint giri hé kinaal ˈduuwasichoká ˈgayyo-, muí ógká, in mu Waag ma ki náan.

Hééllá he hé Warˈgat Waaˈgiet hí hote-, giri Waag Abirááyam geeyche-, kieye, Yú é meet burnayyeká ˈjaallé ko hođia, mú chieká. Waag Abirááyam hééllá af iđichééllá he Waag tikiˈde gál kufeká luolmít shigicho-, hé kálta biiy ma gaa íđinyká ˈdéé hótle yé kí ˈdeđichóóllá. Aalé Abirááyam Waag iiy yie.

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

He af iđiny Waag hí Abirááyam af iđiche-, máálle Waag hí é meet burnayyeká ˈjaalle hođichoká chíéllá, har káána úba Abirááyam far ˈdú gogonoyyeka, Abirááyam hé Waag ˈdéé hótle ˈdúúw hote. Waag úba kieye, ˈBíl ílkú burnatle hát ˈdaab hidhinóóllá, chie.

Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Gál Waag hí ađaabano gaa eeyye-, ađaabanollé kinaal Waag hí gíl sug ki haychéél, ebá Waag hí ˈdú ˈjiiy! Máá ađaabanolle Waag hí ali gaa huolleká, ebá Waag hí ˈdú ˈjiiy! ˈDáwuˈd hí yie.

Warˈgat Waaˈgiet hát he chieká kieye, Abirááyam Waag iiy yie, iiy yeenlé kinaallá ˈdaalle ˈdugaka in Waag hí máá ˈdúwaká chie.