Popular Bible Verses from Matayo 11

Share

“Aso, inywe mweesi babaluwile, lundi babasitowelelwe ni mwiitse is'ise, ni nase kane imbawe inywe khuwola.

Ni muyile shisutwa shase, mushitwiikhe, muryo mwiyikile khwiise, lwekhuba ise ndi umukwalaafu lundi umuwolu mu mwoyo, ni nanywe mulinyoolela kimyoyo kyeenywe shiwolelo.

Lwekhuba shisutwa shase si shili shisiro ta, nalundi shili shishaangu.”

“Paapa wase wayimambisa ise bibiindu byoosi. Nalundi mbaawo umuundu yeesi umanyile Umwaana ta, khurusakho Paapa yenyene. Nalundi mbaawo umanyile Paapa ta, khurusakho Umwaana yenyene, ni babaandu boosi beesi Umwaana akana khubabimbulila bibiwaamba khu Paapa.

Yezu wabelamo ari, “Ni mutsye muboolele Yohana Umubatisa byeesi muwulile ni byeesi muboone. Babofu babona, babalemala bakyeenda, ibo babaali ni bulwaale bwe bikeenge bawonesebwa, bamiinyi bekukha mu maru bawulila, baafu balamusibwa, ni Kamakhuuwa Kamalayi kaboolelwa isi bataambi.

Uyo uli ni kamaru ke khuwulila n'awulile.