Popular Bible Verses from Matayo 10

Share

Yezu weloosela wabalomela ari, “Bona ise imbarumana nga kamasheese akari mu bitsuutse. Nashiryo, ni mube ni kamakyesi nga tsindemu, nalundi mube bawolu nga kamawuusi.

Uyo ukhakakho khuwonesa bulamu bweewe, alibufwilwa, ni nooyo ufwila bulamu bweewe khu lwase, alibunyoola.

Mukharya abo babeera kumubili ne balekha khunyala khukhwiira kumwoyo ta. Khurusakho ni muryatsake uyo unyala khuwesa kumubili ni kumwoyo kweene atweela mu mulilo kukukhasima ta.

Ne uyo ukhakane asute kumusalaba kweewe anondelele ise, aba s'akhila ni khuuba umuleekelwa wase ta.

“Aso, buli mundu yeesi uwibuula ari ali uwase mu moni tse babaandu, ni nase ndyo indimubuula isi Paapa wase uli mwikulu. Ne buli mundu yeesi uwuntsikaanila mu moni tse babaandu, nase ndyo indimwikaanila mu moni tsa Paapa wase uli mwikulu.

Muwonese balwaale, mulamuse baafu, muwonese ibo babaali ni bulwaale bwe bikeenge, nalundi muwoonatsake kimisaambwa kimibi. Inywe mwawebwele busa nga mbaawo sheesi musasuule ta, ni nanywe muryo ni muwanatsake busa.

Ni nashiryo, mukharya ta, inywe be lisuno likali khufuura banamundyoole bakali.

“Inywe mukhambaasa muri ise neetsa khureera lukoosi khu shiibala ta. Ne ise neetsa khureera lurima lwe khukhwawukhana.