Popular Bible Verses from Matayo 12

Share

Nashiryo imbaboolela ndi, buli lomo yoosi yeesi babaandu baloma ikhalimo kumukaso ta, balikiwotsela khu shifukhu she khukhalilakho kumusaango. Biryo bilomo byoowo byeesi ukanikha bilikila ufuure kumusaango, namwe bilikila kumusaango kukhufuure.”

Inywe tsindemu tse buutwa! Munyala muryeena khukanikha bibiindu bilayi nga inywe mwabeene muli babaandu baabi? Lwekhuba kumunwa kw'omundu kukanikha ibyo bibitsuule mu mwoyo kweewe.

Umuundu umulayi arusa bilayi nga abyaamisa mwibikhilo lyeewe lilayi lye kumwoyo kweewe, n'umuundu umubi naye aryo biibi abirusa nga abyaamisa mwibikhilo lyeewe liibi lye kumwoyo kweewe.

Ni lwe lomo yino mbaloma ndi, babaandu baliyakhilwa buli shonako shoosi, ni khukhoma khweesi bakhomamo Umwaana w'Omuundu. Ne shiibi she khufwotsola Umwoyo Umukhosefu, si shiliyakhilwa ta.

“Buli kusaala kulayi kwanakho bibyaamo bilayi, ni kusaala kuubi nakwo kwanakho bibyaamo biibi. Lwekhuba buli kusaala kumanyikhila khu byaamo byakwo byeesi kwana.