Popular Bible Verses from 1 Petero 4

Share

Ne khufuura byoosi, ni mukanane mwenyene na mwenyene, lwekhuuba khuukana khubiimba khu byoonako bikali.

Buli muundu n'araambise shiwaanwa sheesi aaweebwa khukhwakaanisa babaandi, nga babiikhi baalayi be bubweela bwa Wele bubuukhali butweela ta.

Buli muundu yeesi uboolela aakha khuuboolela bilomo bya Wele. Na buli uyo yeesi uwakaanisa, aakha khukhwakaanisa ni kamaani keesi Wele amuwa, nio akile mu biindu byoosi Wele aboolelesewe khulwa Yesu Kristo. Umweeneyo aweebwe shiriifwa ni kamaani, biilo ni biilo. AMIINA.

Ne umuundu yeesi n'ataambisibwa khulwekhuuba ali uwa Kristo, akhawaambiwa kamaŋaanyu ta, ne n'abuyile Wele lwe lisiina lya Kristo.

Intsakamo iye bibiindu byoosi ili aambi. Ni nashiryo, ni mube babetsililisi, mube meeso nio munyale khuloomba.

Bakanwa baase, mukheyaanga lwe khuutsiinisibwa khuukali khukhuuboolelekho nga khubakhakilisa ta. Shino shikhafwaana nga shishiindu shikyeni ta. Ne ni mwikhoye lwekhuuba mulikho mukabananila atweela ni Kristo mu khutsiinisibwa khweewe, nio kumwikhoyo kweenywe kube kumukali naabi nga shiriifwa sheewe shabonekhele.

Ni mwikhoyanatsakile muungo mweenywe akhali khukhwiŋuluŋuunya khwoosi ta.

Ni nashiryo abo babaatsiinisibwa nga khuukana khwa Wele ni khuli, ni beloosele khukhwiwaanilayo ilala kimyoyo kyaabwe isi umubuumbi, luundi beloosele khuukhola biilayi. Wele niye alyoolelesa sheesi aasuubisa.

Aso, khukhwaama nga Kristo n'atsiinisibwa mu mubili, nanywe ni mwikumise mu myoyo kyeenywe, mube n'intsibaasa nga isi niye aaba ni nayo. Lwekhuuba buli muundu utsiinisibwa mu mubili kweewe aba saashikholakana luundi ni shishoonako ta. Ni khukhwaama abweenewo, umuundu uyo s'amenya luundi bulamu bweewe buburamileyo bwe mu shiibala lwe khukhwiwuuma khwe kumubili ta, ne lwe khuukhola ibyo byeesi Wele akana.

Ne nga muli ni khabi ni muba nga mukhomewa lwekhuuba muli ba Kristo! Shino shimanyisa shiri Umwoyo wa Wele uwe shiriifwa ali khwiinywe.