Popular Bible Verses from 1 Petero 3

Share

Ne mu myoyo kyeenywe, ni mwiisemo Kristo lukoosi nga mumanya muri ali Umukasya umukhosefu. Buli ndaalo ni mube berekefu khukhwiilamo buli umuundu yeesi ubareeba lwashiina muli ni kumwiyikino kuno. Ne shino mushikholatsake ni buwolu ni khukhwisamo lukoosi. Kimyoyo kyeenywe mukari kilekhe khubakho ni she khukhwikiitsibwa ta, nio akile abo babaabakhoma ni babaabawaambila libuba lwe tsisaambo tseenywe tsindayi mu Kristo, bawaambibwe tsisoni lw'ebyo byeesi baloma.

Lwekhuuba tsimoni ts'Omukasya tsili khu bakwalaafu, ni kamaru keewe kamekule isi khuuloomba khwaabwe, ne mu moni mweewe mukhaandisa abo babaakhola buubi.”

Buumiliwu bweenywe bulekhe khuba bwe khu ngaaki busa ta; nga khuubowa litsuune, namwe khuukwaara bubuuma bwe zaabu, namwe lwe bikwaaro byonyene ta. Ne buumiliwu bweenywe bwaakha khuuba bwe bwa ŋali bubuuli mu myooyo kyeenywe. Nga buli she lisuno shishikhoonekha ta, shishokesanisa kumwoyo kwe buwolu, kukwitsililiisa. Ikwo nikwo kumwoyo kwe lisuno mu moni tsa Wele.

Lwekhuuba shisharonebwa shiloma shiri, “Uyo ukana khuuba ni buulamu bulayi ni khuubona bifukhu bilayi, aakha aliinde lulimi lweewe isi buubi bwoosi, ni kumunwa kweewe kulekhe khukanikha bye bubeeyi ta. Umuundu aakha arure mu khukhola buubi akhole bulayi, aakha aweentse lukoosi luundi alulondelele.

Shishakamayo be buulebe, inywe mweesi ni mumenyatsake mu butweela buli muundu n'uwashe. Mukanane nga be buulebe, mube be kumwoyo kumulayi luundi bawolu. Mukhasasulatsaka buubi lwe buubi ta, khuukhoma lwe khuukhoma ta. Ne muloombatsake tsikhabi lwekhuuba isho nisho shishabalaangisa nio musikhile tsikhabi.

Naanu unabakhola buubi ni muba nga mwiwuuma khuukhola buulayi?

Umuundu aakha arure mu khukhola buubi akhole bulayi, aakha aweentse lukoosi luundi alulondelele.

Lwekhuuba shilayi khuutaambisibwa lwe khuukhola buulayi, noola shino nikhwo khuukana khwa Wele, khufuurisa khuukhola buubi.