Popular Bible Verses from 1 Yokana 5

Share

Buno nibwo bubwiyikinwa bweesi khuli nabwo nga khwisyeenda aambi ni Wele, khuri ni khuloomba shishiindu shoosi nga khuukana khweewe ni khuli, akhuwulila.

Ne ni khumanya khuri Wele akhuwulila ifwe mu buli shoosi sheesi khuloomba, khumanya khuri khwafunile byeesi khumuloombele.

Khuukana Wele, nikhwo khuwulilatsaka kamakaambila keewe, ni kamakaambila keewe kano sikali kamasiro ta. Lwekhuuba buli muundu uwasaalikha ni Wele, awula shiibala. Ifwe khuwula shiibala lwe khufukiilila khweefwe.

Buli muundu yeesi uli n'Umwaana, ali ni bulamu, ne uyo yeesi ukhali n'Umwaana wa Wele ta, s'ali ni bulamu ubwo ta.

Ise mbaronela bilomo bino, inywe babafukiilila mu lisiina ly'Omwaana wa Wele, nio munyale khumanya muri, muli ni bulamu bukhawawo ta.

Ifwe khwaamanya khuri umuundu yeesi uwasaalikha ni Wele, s'eloosela mu khwonaka ta, lwekhuuba Umwaana wa Wele amuliinda bulayi, ni Sitaani s'amukholakho bukosi ta.