Popular Bible Verses from Mat 19

Share

Yezu n'abatunuulira, n'abagamba nti: “Ku bantu kino tekisoboka, naye ku Katonda byonna bisoboka.”

Olwo nga tebakyali babiri, wabula omuntu omu. Awo nno Katonda ky'aggasse awamu, omuntu takigattululanga.”

N'abaanukula nti: “Temusomanga nti eyabakola okuva mu masooka yabakola omusajja n'omukazi?” Era n'agamba nti: “Olw'ekyo omusajja kyaliva alirekanga kitaawe ne nnyina n'agattibwa ne mukazi we; ababiri balifuuka omubiri gumu.

Naye Yezu n'abagamba nti: “Muleke abaana abato bajje gye ndi, temubaziyiza; kubanga abafaanana nga bano be bannannyini bwakabaka obw'omu ggulu.”

Naye bangi ab'olubereberye baliba ab'oluvannyuma, n'ab'oluvannyuma baliba ab'olubereberye.”

Ate buli muntu eyaleka amayumba, oba baganda be, oba bannyina, oba kitaawe, oba nnyina, oba abaana, oba ebibanja olw'okubeera erinnya lyange, alifuna emirundi kikumi ko n'okusikira obulamu obutaggwaawo.

Yezu n'amugamba nti: “Obanga oyagala okutuukirira, genda, tunda by'olina owe abaavu, olwo obugagga olibeera nabwo mu ggulu; ojje ongoberere.”

“Ombuuliza ki ku kirungi? Anti omulungi ali omu; naye obanga oyagala okuyingira mu bulamu, kwata ebiragiro.”

Ka mbabuulire era, kiba kyangu eŋŋamiya okuyita mu nnyindo y'empiso, okusinga omugagga okuyingira mu bwakabaka bwa Katonda.”

Awo nno nze mbagamba nti buli agoba mukazi we, wabula mpozzi olw'obwenzi, amala awasa omulala, aba ayenze.”

Yezu n'agamba abayigirizwa be nti: “Mazima mbagamba nti nga kiriba kizibu abalina obugagga okuyingira mu bwakabaka obw'omu ggulu!