Popular Bible Verses from Mat 18

Share

kubanga ababiri oba abasatu we bakuŋŋaanira mu linnya lyange, nange mbeerawo mu makkati gaabwe.”

Era mazima mbagamba nti ababiri mu mmwe bwe munassanga ekimu ku nsi okusaba ekintu, Kitange ali mu ggulu agendanga kukibakolera

Awo Yezu n'ayita omwana omuto, n'amuyimiriza mu makkati gaabwe, n'agamba nti: “Mazima mbagamba nti bwe muteefuula ne mufaanana ng'abaana abato, temuliyingira mu bwakabaka bwa mu ggulu.

Awo nno buli eyeetoowaza ng'omwana ono omuto, y'asinga obukulu mu bwakabaka obw'omu ggulu.

Ate era, buli ayaniriza omwana omuto ng'ono mu linnya lyange, aba ayanirizza nze.

“Mazima mbagamba nti byonna bye munaasibanga ku nsi, ne mu ggulu nga bisibiddwa; era byonna bye munaasumululanga ku nsi, ne mu ggulu nga bisumuluddwa.

Ne Kitange ali mu ggulu bw'alibakola atyo obanga buli omu tasonyiwa munne na mutima gwonna.”

“Kyokka buli eyeesittaza omu ku bato bano abanzikiriza, ekyandisinze obulungi ku ye, lwe lubengo olunene okusibibwa mu bulago bwe n'abbikibwa mu ddubi mu nnyanja.

“Mmwe mulowooza mutya? Omuntu bw'abeera n'endiga ekikumi, emu ku zo n'ewaba, taleka awo ku nsozi ekyenda mu omwenda, n'agenda anoonya ebuze?