Popular Bible Verses from 1 CORINTIOS 11

Share

Xalla niźtaśaqaś ni ćhheri lulhźku, Jesusaki nïź qharkiś ni tasa tanźku tuź khichićha: “Xalla ti tasaki uśhka weth lhokhźtan palt'itaćha. Niźaśa anćhukki śapa likhtikiś, ti weth thükiś päkićha.” Niźaśa anćhukki śapa ni t'anta lulhkan, niźaśa ti taskiśtan likhkanaki, ni Jesusiź tikhźtaź maśnakićha ni Jesús Tata thonśkama.

Niźaśa werhki ni Yöś Tataź ekta usa tanśinćha, neqhśtan werhki anćhukakiś ni usa thaxinchinćha: Niźaśa Jesusaki ni millk'untita śeśiki nïź qharkiś t'anta tanśićha; neqhśtan Yöśkin sparakiź khichićha, niźaśa ni t'anta ćh'alhźku tuź khichićha: “Xalla tïki weth xañchićha, anćhukalaykuź tikhźa. Anćhukki xalla ti weth thükiś päkićha.”

Xalla niźtikiśtan śapamayni, ima ni t'anta lulhkan niźaśa ima ni taskiśtan likhkan nïź perśun quś śhulhśtanćha. Niźaśa Jesusiź xañchi ana phalźku ni t'anta niźaśa ni taskiśtan ana näśkut likhćhax nïki, nïź perśun kaśtikxapaź lulhćha niźaśa likhćha.

Niźaśa xaqhsilta źoñimit ni Yöś t'antikiśtan niźaśa nïź taskiśtan ana uj pampachku likhćhax nïki, Yöś xañchiźxapa niźaśa Yöś lhokhźxapa ujź päćha.

Niźaśa anćhukki werh irataź pä, xaqnuźt werhki ni Yöś chïtakama pawućhaxa xalla niźta.