Popular Bible Verses from 1 CORINTIOS 12

Share

Niźaśa Yöśki śapamayniźkiś ni Espirituźkiśtan tshi llakiź thäćha, xalla ni llakiki thapatiźta walićha.

Niźaśa anćhukki Criśtuź xañchićhukćha, niźaśa śapamayni anćhukki ni xañchi qisqisñinakaźtaqaśśa.

Niźaśa tshi xañchiź qisqisñiź t'aqhiśasaź nïki, thappacha ni yaqhanakaki śaqaś t'aqhiśi; niźaśa tshi xañchi qisqisñiki śuma kuytitaźlax nïki, thapa ni qisqisñi xañchinakakiź chipćha.

Niźaśa yaqhap jilanakźkiśiki ni Espirituki śiś taqunaka chïchiyaxu thäćha; niźaśa yaqhapanakźkiśti ni Espiritupachaź ni śuma taqu phalśi chïqatćha. Niźaśa yaqhap źoñinakaki ni Espirituźkiśtanź Yöśkin tshanti quśśiś khissa, niźaśa yaqhapanakaśti lä źoñinaka ćhhetinś tanźa. Niźaśa yaqhapanakaki milajrunaka päśxapa aśiź tanźa, niźaśa yaqhapanakaśti Yöśkiśtan chïś tanźa, niźaśa yaqhapanakaśti thapaman chïś taqunakaź tanźa; niźaśa yaqhapanakaki ni chïta taqunaka katoqśqatśxapaź tanźa.

Xalla ti ćhhultaqinakaki ni Espirituź aśtan alaxaź päćha, niźaśa śapa jilanakźkiś ni Espirituź pektakamaź thäćha.

Xalla ni xañchikiśki ana yaqha yaqha źelax khitaćha, ans ni xañchi qisqisñinakaki śapamayniźkiśtan llakiśhtanćha.

Niźaśa ni Yöś kirïchi jilanakźkiśiki thapaman Yöś onanchitanakaź źelhćha, ans ni thäñiki tshi Espirituqaśśa. Niźaśa thapamankiśtan Yöś amtiś źelhćha, ans ni Yöśki tshiqaśśa. Niźaśa thapaman aśiź thëźa, ans Yöśki tshiqaśśa, niźaśa ni Yöś aśtan thapamanaź päćha.

Yöśki ni Yöś kirïchi jilanakźkiś tiźtanaka źelhñi pekćha, tukkinaki apuśtulanaka khiśtanćha, nïź xaruki Yöśkiśtan chïñinaka khiśtanćha, nïźxarpachaki thaxiñinaka khiśtanćha, neqhśtan milajru päñi jilanaka khiśtanćha, niźaśa yaqhapanakaki lä źoñinaka qullñi khiśtanćha, niźaśa Yöś kirïchi jilanaka yanapñi khiśtanćha, niźaśa yaqhapanakaki irpiñinaka khiśtanćha, niźaśa yaqhapanakaśti yaqha taqunaka chïñi khiśtanćha.

Niźaśa tshi xañchiki anaź tshi qisqisñillchiśqaśki, ans wakchiź źelhćha.

Ans ni upa aśi ni xañchikiś qisqisñinakaki, xalla ninakaćha ni xañchikiś tshan pektanakaki

Niźaśa thappacha ućhum xañchiki źhukiź khitasaź nïki, anaź wira nonźtasaćha. Niźtaśaqaś thappacha ti xañchiki khuñiź khitasaź nïki, ućhumnakki anaź mukhśñi attasaćha. Xalla ni Yöśśa śapa qisqisñinakaki ni xañchikiś nïź pektakama uchchiki. Niźaśa ni qisqisñiki thappacha tshiqaź khitasaź nïki, ni xañchiki anaź źelhtasaćha.