Popular Bible Verses from 1 CORINTIOS 10

Share

Niźaśa anćhukki źoñź xañchikiś ana awantichuk llakinaka ana watchinćhukćha. Niźaśa anćhukki Yöśkiś tasna, niźaśa Yöśki ni ana awantichuk llakinakkiśtan anćhuk anaź t'aqhisqatakićha. Niźaśa ni llakiź thonanaki, Yöśki anćhuk liwriyakićha niźaśa Yöśki anćhuk ni llakinaka awantisqatakićha.

Niźaśa anćhukki lulhkanaki niźaśa likhkanami niźaśa ćhhultaqinaka päkanaki Yöśkinpanź alt'a.

Niźaśa ni thupi khiśpekñiki, xalla nïki ni thxotskiśtanx kuytaśla.

Niźaśa anćhukakiśtan yaqhapanakaki, tuź khićha: “Tshisuñki ćhhulu päśpekkuź päsaćha.” Nïki nuźupanśaćha, ans anaź thappacha nuź päś wakiśićha. Niźaśa tshïsuñaki ćhhulu päśxapami liwriźlax nïki, ans anaź thappacha ni Yöś kirïchi jilanaka quśnasaćha.

Niźaśa anaź perśun xaqiñaqaś pekśki, ans thapatiź xaqiñaź munśki.